مواقف بتعدي علينا كلنا ياتري بنتعلم منها والا بنفوتها ؟؟؟

استعرض الموضوع السابق استعرض الموضوع التالي اذهب الى الأسفل

مواقف بتعدي علينا كلنا ياتري بنتعلم منها والا بنفوتها ؟؟؟

مُساهمة  minagou في الثلاثاء أغسطس 03, 2010 10:11 am

مواقف [ندعوك للتسجيل في المنتدى أو التعريف بنفسك لمعاينة هذا الرابط]علينا كلنا ياتري بنتعلم منها والا بنفوتها ؟؟؟



لازم [ندعوك للتسجيل في المنتدى أو التعريف بنفسك لمعاينة هذا الرابط]بالنا ....


كتير بنتقابل مع أصحابنا أو معارفنا أو بنتكلم معاهم في التليفون ...


واحيانا
يكون كلامنا جميل وممتع وأحيانا بيكون العكس . وممكن جدا أقرب ناس لينا
يهربوا منا أو احنا نهرب من أقرب ناس لينا وساعتها نقول هو ايه السبب ؟؟؟





***********************



..... .


مريم وماجدة أصحاب


الو ... ازيك يا مريم عاملة ايه اخبارك ؟
ايوة يا ماجدة . أهو ماشي الحال ... انا زهقت خلاص الولاد جننوني

وتعبوني علطول شقاوة شقاوة ... حاجة تزهق








مكالمة تانية ...الو .... ازيك يا مريم ؟؟؟
ماجدة ؟ كنت لسه هكلمك ...
انا تعبت ابني علطول تعبان وجوزي مش حاسس باللي انا بعمله ...
والجو حر والبيت علي بعضه و........ و ........ حاجة تزهق


مكالمه اخري ... أزيك يا مريم ؟؟؟

ترد مريم وتقول ... انا تعبانه من الصبح شغل بره البيت وجوا البيت وعندي صداع طول اليوم و... و..... و.......... حاجة تزهق
كل مكالمه ماجدة تسأل فيها علي مريم تلاقيها لازم تشتكي من أمورها وحياتها
ولازم تسمع كلمة حاجة تزهق وغيره من الكلامات اللي تزهق حقيقي

مع ان ماجدة برضه عندها مشاكل لكن مش كل مرة بتحكي عنها ...
شوية
شوية ماجدة هتبطل تكلم مريم في التليفون ... بس مريم ممكن يجي يوم تسأل
وتقول ليه ماجدة مش بتسأل عليا أنا معملتش ليها اي حاجة وحشه خالص .

بس اعتقد عرفنا أحنا أيه السبب ...



لازم ناخد بالنا ....





***************************


منير ومايكل أقارب



مايكل ظروفه المادية كويسة جدا . واتجوز وهو سنه مناسب جدا عنده طفلين دلوقتي
أما
منير ظروفه المادية مش حلوة قوي ... لسه لم يوفق في الزواج مع ان سنة
ابتدي يكبر شوية ... الاتنين أقارب و أصحاب من طفولتهم ...بس تعالوا شوفوا
مع الوقت المكالمات بقت بينهم ازاي ...

الو ... ازيك يا مايكل عامل ايه ؟؟؟
انا الحمد لله كويس خالص
واولادك وزوجتك ؟؟؟
كلهم الحمد لله ... وانت عامل ايه يا منير مفيش اخبار حلوة جديدة ؟؟؟
لا صدقني لسة ...



مكالمة تانية .... الو ازيك يا منير أخبارك ايه واخبار الدنيا معاك ايه ؟؟؟
ها لسة مفيش عروسة كده والا حاجة ؟؟؟
لا صدقني لسة واكيد علشان ظروفي المادية مش كبيرة قوي ممكن تكون دي مشكلة قدامي ...
ربنا يوفقك يا منير بس لازم تعمل حاجة ...



مكالمه تالته ....الو ازيك يا منير ايه اخبارك ؟؟؟ لسة زي ما انت يا أبني ؟؟؟
عايزين نفرح بيك بقي ... هتفضل ساكت علي نفسك ليه ؟؟؟ وانت كمان سنك بيكبر
لازم تتصرف ...
منير هيجي يوم مش هيحب يكلم مايكل تاني ...






هيقول
كل مرة بكلم فيها مايكل معندوش غير السيرة دي و بيجرحني وبيكون مش حاسس بي
رغم انه عارف كل ظروفي ومشاكلي لكن بقيت أحس أنه غريب عني ...

يعني هل انا مش عايز يكون مستواي كويس ومش عايز ارتبط ؟؟؟؟
أنا مش هكلمه تاني انا تعبت حقيقي ...


لازم ناخد بالنا ....




*************************


سالي و ماري أصحاب من وقت طويل


ماري انسانه بسيطة متوسطة الحال وسالي كانت ظروفها برضه بسيطة
لكن ظروفها اتحسنت جدا لما اشتغلت في شركة كبيرة
الو.... أزيك يا ماري وحشتيني خالص ....
انت كمان يا سالي عاملة ايه ؟؟؟
انا كويسة الحمد لله نزلت امبارح اتفرجت علي المحلات وجبت فستان شيك قوي
هو غالي شوية بس تحفه ...
عايزة افرجكك عليه ...
انشاء الله هبقي اشوفه عليكي الف مبروك يا سالي وتعيشي وتشتري


مكالمة تانية ..... الو ... ازيك يا سالي

انا
الحمد لله ولسة راجعه من السوبر ماركت الكبير اللي بشتري منه لقيت حاجات
كتيرة حلوة خالص... تخيلي الواحد ينزل يصرف فيه فلوس قد كده بس بجد بجد كل
حاجة حلوة فيه ...

عايزة يا ماري اخدك معايا مرة افرجكك عليه هتعجبك كل حاجة هناك ...
انشاء الله يا سالي


مكالمة ثالثه ... ازيك يا سالي عامله ايه ...
انا الحمد لله كويسة خالص ... اشتريت موبايل جديد ماركه حلوة وبالكاميرا






هو
غالي صحيح لكن تمنه فيه اصل فيه امكانيات كتيرة قوي . عايزاكي تشوفيه يمكن
يعجبك وتشتري واحد ليكي بدل الموبايل الصيني اللي أي كلام بتاعك ده ……


وتسكت
ماري مهي مستغربه ان صحبتها سالي اللي عارفه ظروفها المادية كويس كل شوية
تتكلم معاها وتقولها انا اشتريت كذا وعملت كذا وليه مش بتشتري زيي ؟؟؟



وهيجي وقت ماري مش هتتكلم مع سالي وساعتها سالي هتستغرب جدا

ليه ماري بعدت عني انا معملتش اي حاجة وحشة ليها


لازم كلنا لازم ناخد بالنا مش كلنا زي بعض والا ظروفنا زي بعض








المهم اننا ناخد بالنا من كلامنا وأحاديثنا هل ابتدينا نبعد عن بعض الناس ولا بعض الناس ابتدوا يبعدوا عننا ؟؟؟؟؟؟؟؟؟؟

minagou
Admin

المساهمات : 1035
تاريخ التسجيل : 13/07/2010

معاينة صفحة البيانات الشخصي للعضو http://kelmetmanfa3a.forumaction.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى