نيوزلاندا موضوع متكامل

استعرض الموضوع السابق استعرض الموضوع التالي اذهب الى الأسفل

نيوزلاندا موضوع متكامل

مُساهمة  minagou في الإثنين أغسطس 09, 2010 5:13 pm

دي مجرد معلومات أنا جمعتها في الفترة الماضية وأرجو إنها تكون مفيدة للي يحتاجها
خلي بالكم إن المعلومات عن نيوزيلندا في المنتديات شحيحة جداً
بالمناسبة نيوزيلندا طالبة أيلتس جينرال 6.5 أوفر أول لمقدم الطلب الرئيسي و
5 للزوج أو الزوجة وأتوقع إنه مش سكور عالي قوي وفي المتناول



خلينا قبل ما نبدأ في الشرح التفصيلي لإجراءات الهجرة ... نتعرف أكتر على البلد
فيه دليل باللغة العربية فيه معلومات كويسة جداً عن نيوزيلاندا هو بالأساس
موجه للدارسين لكنه مفيد برضه للي عايز يتعرف على البلد بشكل عام
هتلاقوا الدليل ده في الرابط التالي
[ندعوك للتسجيل في المنتدى أو التعريف بنفسك لمعاينة هذا الرابط]



نيجي لإجراءات الهجرة نفسها...
لأ ...لسه شوية
فيه إجراء مهم لازم تعمله قبل ما تبدأ في إجراءات الهجرة
الإجراء ده هو ال Assessment لمؤهلاتك ولشهادات خبرتك
الموضوع ببساطة إن نيوزيلاند مش بتعترف بأي شهادة خبرة أو شهادة دراسية من
أغلب بلدان العالم - من ضمنها مصر بالطبع والدول العربية - إلا بعد التصديق
عليها من هيئة حكومية اسمها
NZQA
وموقعها على الرابط التالي
[ندعوك للتسجيل في المنتدى أو التعريف بنفسك لمعاينة هذا الرابط]
لازم تعمل ال assessment قبل ما تعمل حاجة اسمها EOI ودي اختصار expression of interest ودي أول خطوة في إجراءات الهجرة
ال assessment ده له نوعين:
حاجة اسمها pre-assessment ده تكلفته 75 دولار نيوزيلاندي - كل كلامنا بعد
كده بالدولار النيوزلندي عشان محدش يتلخبط وهو بيساوي حوالي 3.25 جنيه مصري
وحاجة تانية اسمها full assessment
الفرق بين الاتنين إن الأولانية محتاجها بس عشان تملا EOI ومش هتفيدك في أي
حاجة بعد كده، ولما تيجي تقدم ورقك لما يطلبوه برضه هتحتاج تعمل full
assessment
إنما ال full assessment تنفعك في الحالتين ، فنصيحة ما تفكرش في ال
pre-assessment رغم إنها أسهل وأسرع وأرخص، لإنك في كل الأحوال محتاج تعمل
full assessment
ودي اللي هيبقى كلامنا عليها في الرد القادم



نيجي لل full assessment
ودي بتقدم عليها عن طريق الموقع اللي أشرنا ليه في الرد السابق
وإجراءاتها باختصار إنك بتسجل على الموقع المذكور وتعمل account عليه
وتحدد انت بتعمل assessment لأي غرض وطريقة التسجيل سهلة وبسيطة
بتملا على الموقع بيانات مؤهلاتك الدراسية وخبرتك العملية
فيه نوعين من ال full assessment
fast track وده بيتكلف 600 دولار وبيستغرق 20 يوم عمل يعني حوالي شهر
و normal track وده بيتكلف 450 دولار وبيستغرق 35 يوم عمل يعني حوالي شهر ونصف أو شهرين تقريباً.
بعد ما تسجل على الموقع بتدفع بال credit card
خلي بالك اللي بيتبعت بعد كده أصول الأوراق - الشهادات الدراسية وشهادات
الخبرة - فقط هي اللي مطلوبة في هذه المرحلة، خلي بالك الأصول مش الصور ومش
محتاج توثق أي حاجة
ولو عايز الأصول ترجعلك بتدفع 36 دولار زيادة مصاريف إعادة الأوراق مرة أخرى، وطبعاً لو فيه ورق بالعربي لازم يترجم
بتبعت الورق وبعدها بفترة وجيزة بترجعلك أصول أوراقك لو كنت طلبت إنها ترجع، وبتقعد تستنى لغاية ما يردوا عليك بنتائج ال assessment
طبعاً الفترة دي ممكن تطول أكتر من المدة اللي هما محددينها وفي بعض
الأحيان ممكن توصل لأربع أو خمس شهور، بسبب إنهم بيتحروا عن الشركات اللي
انت اشتغلت فيها وبيراسلوا الجامعات اللي منها شهاداتك ، ولو الجهات اتاخرت
في الرد يبقى طبيعي إنهم هيتاخروا هما كمان في الرد عليك.
الرد بيبقى في صورة report فيه ملخص نتائج ال assessment وتقييم خبراتك ومؤهلاتك بالمعايير النيوزيلندية
وفيه reference number ليك
تقدر تستخدمه بعد كده في خلال إجراءات الهجرة



[ندعوك للتسجيل في المنتدى أو التعريف بنفسك لمعاينة هذا الرابط]



التكلفة المالية:
1- ال Assessement ودي قلنا تكاليفها في السابق
2- ال EOI ودي 400 دولار
3- مصاريف ال processiong ودي بتعبتها بشيك مع الورق
ودي بتخلتف حسب الجنسية وحسب بلد الإقامة ، وممكن تعرفها من موقع الهجرة.
4- مصاريف اللاندنج
ده بخلاف مصاريف الكشف الطبي والإيلتس والفيش والتشبيه واستخراج الأوراق والبريد والكلام ده.
الأرقام بالتفصيل على موقع الهجرة
[ندعوك للتسجيل في المنتدى أو التعريف بنفسك لمعاينة هذا الرابط]
وإن شاء الله اكتبها خلال الشرح
الوقت ....الإجراءات سريعة جداً ، أكتر حاجة هتعطلك هي ال assessment اللي
في الأول، بعد ما يخلص ويجيلك ال report ممكن كل الإجراءات تبقى منتهية
وتاخد الفيزا في أقل من سنة



نيجي للخطوة التالية من من الأجراءات وهي البداية الفعلية لإجراءات الهجرة
وهي اسمها Expression of Interest أو اختصاراً EOI
لازم في الأول نعرف نظام النقاط، نظام النقاط معقد شوية وصعب الشرح ، وعموماً هتلاقوه في الملف الموجود على الرابط التالي
[ندعوك للتسجيل في المنتدى أو التعريف بنفسك لمعاينة هذا الرابط]
وتقدر من خلاله إلى حد ما تقيم النقط اللي ممكن تجيبها.
اللي يجيب أقل من 100 نقطة: طلبه بيترفض مباشرة
ما بين 100- 140: طلبه بيدخل في قرعة ولو ما تمش اختياره بيخش القرعة التالية ليها بعد 6 شهور
أعلى 140: بيتم اختياره من القرعة اتوماتيكياً - أو بمعنى أصح معفى من القرعة
EOI دي زيها بالظبط زي ال simplified application بتاعت كندا، لكنها فيها
ميزة عنها إنها بتقدر تملاها وتبعتها وتدفع الفلوس أون لاين من على الموقع
الرسمي للهجرة
[ندعوك للتسجيل في المنتدى أو التعريف بنفسك لمعاينة هذا الرابط]
أول خطوة إنك بتعمل account لنفسك على الموقع وتاخد username و password
تقدر بعدها تدخل على ال account بتاعك ، وتبدأ تنشأ ال EOI الخاصة بيك
طبعاً الفئة اللي احنا بنتكلم عليها هي Skilled migrand Category
بالمناسبة في الموقع دايما لما يقول visa يبقى المقصود اللي بيقدم من خارج
نيوزيلاند ولما يقول permit يبقى يقصد التقديم من داخل نيوزيلاند
ال EOI طويلة جدا ومملة جدا، وبتكتب فيها كل التفاصيل عن حياتك تقريباً - كل أوراقك - شهاداتك
حتى لدرجة أرقام شهادات الميلاد ورخص القيادة....كل كل حاجة
وهو في الموقع بيقولك إن ملئها بيستغرق حوالي أسبوع ، بس لو قعدت عليها ممكن تخلصها في يوم أو يومين
فيه ميزة كويسة قوي في الموقع، هو إن ال toolbar بتاع الموقع بيحسب النقاط
بتاعتك بشكل تلقائي وانت بتدخل بياناتك ، وبالتالي عند نهاية كتابة ال EOI
بتكون عرفت النقط بتاعتك بالظبط حسب التقييم بتاعهم ، وعرفت موقفك إذا كنت
داخل القرعة أو معفى منها ، أو لا قدر الله مرفوض من الأساس.
خلي بالك وانت بتدخل بيانات مؤهلاتك الدراسية والعملية هتحتاج ال reference
number بتاع ال NZQA ودي أهمية ال assessment اللي بتعمله في الأول خالص
قبل ما تبدأ في إجراءات الهجرة.
بعد ما تخلص ال EOI بتعملها submit وتدفع الرسوم عبارة عن 400 دولار نيوزيلاندي بال credit card
أو بتطبعها وتبعتها بالبريد مع الرسوم ب draft chique بس تقريباً في الحالة دي الرسوم بتزيد 10 دولار إضافية.
والعنوان اللي بتبعت عليه مكتوب في الموقع حسب الجنسية وحسب الدولة اللي انت مقيم فيها

minagou
Admin

المساهمات : 1035
تاريخ التسجيل : 13/07/2010

معاينة صفحة البيانات الشخصي للعضو http://kelmetmanfa3a.forumaction.net

الرجوع الى أعلى الصفحة اذهب الى الأسفل

رد: نيوزلاندا موضوع متكامل

مُساهمة  minagou في الإثنين أغسطس 09, 2010 5:14 pm

نيوزلندا









تعد
نيوزلندا واحدة من أجمل بلدان العالم حيث تتميز بكونها عبارة عن مجموعة جزر قابعة
في قلب المحيط الهادي جنوب شرق أستراليا، فتتميز بالعديد من المناظر الخلابة والتي
تتنوع بين الشواطئ الممتدة والتي تلف نيوزلندا ككل وأيضاً المساحات الشاسعة للغابات
والينابيع الحارة وغيرها العديد من المناظر الطبيعية، عاصمتها هي ويلنجتون وتقع في
الجزء الجنوبي من الجزيرة الشمالية.




الموقع

تتكون
نيوزلندا من جزيرتين رئيسيتين بالإضافة لعدد من الجزر الصغيرة تقع نيوزلندا في
الجنوب الغربي من المحيط الهادي، وتقع أستراليا في الشمال الغربي منها، ويفصل بحر "
تاسمان" بين كل من أستراليا ونيوزلندا، ويفصل مضيق "كوك" الجزيرة الشمالية عن
الجزيرة الجنوبية.




معلومات عن نيوزلندا

المساحة: تبلغ مساحة
نيوزلندا 268.680
كم2.

عدد السكان: يبلغ عدد السكان 4.076.140
نسمة.


العاصمة:
ويلنجتون.


اللغة: اللغة
الرسمية للبلاد هي الإنجليزية بالإضافة للغة الماورية.


العملة: الدولار
النيوزلندي ويساوي 100 سنت.


الديانة: أنجليكان،
رومان كاثوليك






مظاهر السطح

[size=12]بالنسبة
لمظاهر السطح في نيوزلندا فهي دولة
جبلية في الأساس، مع وجود العديد من مناطق السهول





الواسعة، تضم نيوزلندا العديد من
الجبال حيث يتعدى عدد الجبال بها 220 جبلاً، ويعد من
أهم هذه
الجبال سلاسل الجبال في الجزيرة الشمالية والتي تمتد عبر الجانب الشرقي منها، وفي
وسط الشمال نجد سلسلة جبال بركانية لها ثلاثة قمم بركانية هي : جبل "روابيهو"، جبل
"نجاوروهو"، وجبل "تونجاريرو" ، كما يوجد جبل



آ
خر يقع منفرداً في أقصى الغرب من
الجزيرة

هو جبل "
إيجمونت" وهو أيضاً قمة بركانية هامدة، وتضم منطقة بحيرة
"تاوبو" عدداً كبيرا من عيون المياه المعدنية الحارة ، أما أهم سلسلة جبال في
الجزيرة الجنوبية فهي "الألب الجنوبية" وهي مرتفعات ضخمة تمتد
في اتجاه جنوب الغرب إلى شمال الشرق بطول الجزيرة الداخلي تقريبا، وأهم هذه الجبال
هو جبل "كوك" الذي يعتبر أعلى نقطة في نيوزيلندا وهو يبرز في وسط السلسلة الجبلية
التي تضم أيضاً أنهاراً جليدية وتعتبر سهول كانتربري في الشرق والسهول الجنوبية في
أقصى الجنوب هما المنخفضات الوحيدة في الجزيرة الجنوبية ، كذلك تكثر على
الساحل
الأجراف البحرية ،






وتوجد في الجزيرة الشمالية أنهار عديدة
ينبع معظمها في الجبال الشرقية والمركزية، وأطول أنهار نيوزيلندا هو نهر "ويكاتو"
وهو يتدفق شمالاً من بحيرة تاوبو أكبر البحيرات ويصب في بحر "تاسمان" في الغرب، أما
الجزيرة الجنوبية فمعظم أنهارها تنبع من الألب الجنوبية ويعد نهر "كلوثا" هو أطول أنهارها، بينما تعد بحيرة
"تي أناو" من أكبر بحيراتها وتقع في الجزء الجنوبي من جبال الألب
الجنوبية.
[/size]



المناخ

يسود
نيوزلندا مناخ معتدل ولا يوجد اختلافات كبيرة في المناخ بين الفصول، ويتميز الجزء
الشمالي من شبه جزيرة أوكلاند أنه من أدفء المناطق مناخاً، بينما تعد المنحدرات
الجنوبية الغربية في الألب الجنوبية من أشد المناطق برودة، ويتراوح معدل سقوط
المطرعموماً بين معتدل وغزير باستثناء منطقة صغيرة في وسط الجنوب من الجزيرة
الجنوبية ، فهو يتعدى 220 بوصة سنوياً، وأعلى معدل لسقوط المطر يكون حول ميلفورد
ساوند في الساحل الجنوب غربي من الجزيرة الجنوبية، وتتراوح معدلات درجات الحرارة في
ويلنجتون بين 20 درجة مئوية في يناير و6 درجات مئوية في يوليو، أما في أوكلاند
فتتراوح درجات الحرارة بين 23 درجة مئوية في يناير و8 درجات مئوية في
يوليو.




نظام الحكم

نيوزلندا إحدى دول الكومنولث، وهي دولة
لها سياستها وعلاقتها الدولية المستقلة، إلا أنها مرتبطة بعلاقات اقتصادية تعاونية
مع بريطانيا


.







استقلت نيوزلندا عن المملكة المتحدة في
26 سبتمبر عام 1907، والحكومة النيوزلندية حكومة ديموقراطية برلمانية، ينص الدستور
النيوزلندي على أن نيوزلندا دولة مستقلة تحت التاج الملكي البريطاني والملكة
البريطانية إليزابيث الثانية تعد دستوريا رئيسة الدولة النيوزلندية، ولنيوزلندا
حكومة مركزية وحكومات محلية في كل مدينة شبيهة بالحكومات البلدية البريطانية، تعنى
هذه الحكومات المحلية بصورة عامة بالنقل المحلي والشرطة والتعليم والحفاظ على
البيئة وغيرها من الخدمات الأخرى.







وتتمثل
السلطة التشريعية في نيوزلندا في مجلس واحد هو مجلس النواب والذي يتم انتخاب أعضائه
بالاقتراع الشعبي المباشر ومدة خدمتهم ثلاث سنوات.


أما
السلطة القضائية فتتمثل في المحكمة العليا ومحكمة الاستئناف، ويوجد عدد من الأحزاب
السياسية مثل الحزب الزطني، حزب نيوزلندا الأول، حزب العمال النيوزلندي وغيرهم.



نبذة
تاريخية


السكان
الأصليين لهذه الجزر التي عرفت فيما بعد باسم نيوزلندا هم البولينيريين وينحدر منهم
الموري سكان جنوبي شرق أسيا.


تم
اكتشاف نيوزلندا من قبل المكتشف الهولندي تسمان عام 1052م، ثم تم تأكيد هذا الاكتشاف بعدها
بحوالي قرن من قبل الرحالة البريطاني جيمس كوك، ثم بدأ زحف الاستعمار البريطاني
إليها، وهاجر إليها بعد ذلك العديد من الأوروبيين حيث أصبح لهم النصيب الأكبر
بها.




خاضت
نيوزلندا عدد من الحروب نذكر منها الحرب الأهلية عام 1850م، كما وقعت في عدد من
الحروب مع أستراليا حول ملكية بعض الجزر الواقعة بين البلدين، كما خاضت الحرب
العالمية الأولى باعتبارها مستعمرة بريطانية، وأيضاً خلال الحرب العالمية الثانية
حاولت اليابان السيطرة عليها واحتلالها بالكامل لولا تدخل الولايات المتحدة
الأمريكية التي قامت بحماية نيوزلندا بعد أن طلبت منها بريطانيا
ذلك.




السياحة والمدن

تعتبر
نيوزلندا واحدة من أكثر البلاد جمالاً وسحراً وذلك نظراً لكثرة المناظر الطبيعية
الساحرة بها والتي





تتمثل في المساحات الخضراء الشاسعة والشواطئ الممتدة والغابات
مما يضفي سحر خاص على نيوزلندا ككل.


تعد
أوكلاند هي أكبر المدن بنيوزلندا وهي العاصمة التجارية للبلاد، وتمتاز بشواطئها
المشمسة الرائعة وسواحلها الممتدة حيث يتمكن الزائر من الاستمتاع بالسباحة وأيضا
بركوب الزوارق الشراعية والتي تعد الرياضة المفضلة لسكان أوكلاند، وتأتي مدينة
كرايستشيرتش في المرتبة الثانية بعد أوكلاند من حيث المساحة، وتقع كرايستشيرتش على
الساحل الشرقي للجزيرة الجنوبية، وتشتهر بلقب مدينة الجنائن، ويوجد بنيوزلندا
العديد من المعالم السياحية نذكر منها: متحف كانت بوري، الحدائق النباتية، بالإضافة
إلى متحف البلانيتيريوم، كما يوجد بنيوزلندا العديد من المناطق الريفية والتي تشتهر
بروعة المناظر الطبيعية بها مثل سهول كانتربوري، وعدد من الأنهار الجليدية
والبحيرات المتجمدة وأيضاً جبال الألب الجنوبية التي تعلو قممها الثلوج
.


تشتهر
نيوزلندا بكثرة الأراضي الزراعية بها، وأيضاً وجود العديد من المراعي وإنتاجها
الحيواني الغني، ويعتمد الاقتصاد النيوزلندي على الثروة الحيوانية والزراعية
والسمكية.

minagou
Admin

المساهمات : 1035
تاريخ التسجيل : 13/07/2010

معاينة صفحة البيانات الشخصي للعضو http://kelmetmanfa3a.forumaction.net

الرجوع الى أعلى الصفحة اذهب الى الأسفل

رد: نيوزلاندا موضوع متكامل

مُساهمة  yousif في الجمعة سبتمبر 16, 2011 12:12 am

تسلم عزيزي على هذه المعلومات وبحق كنت اريد معرفتها من زمان اكرر الشكر مع وافر التقدير والاحترام

yousif

المساهمات : 1
تاريخ التسجيل : 10/09/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: نيوزلاندا موضوع متكامل

مُساهمة  minagou في الجمعة سبتمبر 16, 2011 11:23 am

[ندعوك للتسجيل في المنتدى أو التعريف بنفسك لمعاينة هذا الرابط] كتب:تسلم عزيزي على هذه المعلومات وبحق كنت اريد معرفتها من زمان اكرر الشكر مع وافر التقدير والاحترام

ربنا يوفقك وياريت تتابعنا لو عرفت جديد

minagou
Admin

المساهمات : 1035
تاريخ التسجيل : 13/07/2010

معاينة صفحة البيانات الشخصي للعضو http://kelmetmanfa3a.forumaction.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى